【香港新冠疫情】糖尿病婆婆獨自被送方艙醫院隔離 坐房外無助痛哭幸獲熱心營友相助
香港第五波新冠疫情持續，隨著隔離措施增加，不少染疫者均被送入青衣方艙醫院等社區隔離設施。有染疫者表示，隔離營內消息不流通、亦欠缺人手，令他們無所適從。日前更有「營友」分享，看到一名患糖尿病的婆婆坐在房外哭泣，徬徨無助，於是主動伸出援手。
Photo from 前黃大仙區議會議員張茂清提供
前黃大仙區議會議員張茂清日前（13日）在社交平台facebook專頁表示，有入住方艙醫院的街坊向他分享隔離營內情況，並提及婆婆的慘況。該名街坊表示，晚上8時許，看到一名婆婆獨坐在房外哭泣。該名街坊立即上前慰問婆婆，婆婆表示：「自己一個人，入嚟乜都唔識，唔識做快測，電話冇得影相！」
該名街坊再了解婆婆的情況，例如「使唔使食藥㗎、你自己住有冇裝平安鐘啊」等等，又跟婆婆說，「如果你需要啲乜嘢，肚餓啊，可以問我攞嘢食啊，我有㗎」。
原來婆婆因所住的大廈圍封強檢，被獨自送來隔離營，婆婆表示，「上接送車之前都未知去邊，亦冇得揀去邊，隔離營或者酒店」。
該名街坊表示，婆婆自己一個有糖尿病要打針，又不懂做快速測試，一定會感到無助，又指「方艙起好了，但管理問題都需要解決，場地人員有時間圍埋一齊吹水，營地管理係咪應該要諗吓點樣做會好啲呢，都可以留意幫下啲老人家手，可以比到『營友』多一份安全感。」
該名街坊又指，在這艱難時刻，香港人互相幫助，希望大家都平安。
不少網民留言感謝該名熱心街坊，「現今疫情真係好需要啲有能力嘅香港人唔怕蝕抵，行多步，幫吓有需要嘅人」、「幫得到就幫。一個老人家好多嘢唔識，會好驚」，亦有網民批評港府，「政府一向慢條斯理，如果今次中央冇插手，估計呢啲隔離設施到今日都冇」。
Text : UrbanLife Health Editorial
Photos : UrbanLife Health Editorial、前黃大仙區議會議員張茂清
Source：前黃大仙區議會議員張茂清 授權轉載
📍 Follow我們的IG urbanlife.hk
🔔 訂閱我們的 Youtube頻道 UrbanLifeHealth生活新態度
