download UrbanLife 健康新態度 app
【新冠後遺症】柳俊江康復2個月仍經常咳嗽有痰口乾 連續兩日房事不成勁擔心

【新冠後遺症】柳俊江康復2個月仍經常咳嗽有痰口乾 連續兩日房事不成勁擔心

健康資訊 焦點新聞 新冠肺炎 疫情消息
By Giann on 13 Mar 2022
Deputy Managing Editor

本港新冠疫情持續,不少染疫者均表示康復後出現後遺症。前新聞主播柳俊江近日(10日)表示,由發病至今已經1個半月時間,氣管仍然不太舒服,經常有痰、咳嗽和口乾

前新聞主播柳俊江近日(10日)表示,由發病至今已經1個半月時間,氣管仍然不太舒服。Photo from 柳俊江Facebook直播截圖

康復後2個月仍咳嗽有痰口乾

柳俊江2月初表示,與女友同時確診新冠肺炎,須接受隔離,直至2月中,他表示已康復,前後大概12日就康復了,又指自己復原比一般人快,主要是因為日常經常做運動,並鼓勵大家鍛鍊身體:「多啲曬太陽,多啲做運動,做個真正身心健康嘅人啦!」

柳俊江最近(10日)在社交平台直播,談及康復後出現後遺症。他表示,最大影響是氣管問題,並指自己經常咳嗽及說話有痰。

柳俊江指,自己本來有氣管敏感問題,每年都會因為氣管敏感而失聲,染疫後覺得氣管的確差了,更影響自己的跑步表現。「我覺得氣管係差咗,影響我跑步表現,平時我都會間中唱吓歌,到而家唱唔到平時可以達到嘅高音,唔好話唱歌,而家當我集中精力講耐少少嘢,喉嚨都會唔舒服,需要停一停飲杯水,呢個係omicorn對我嚟講嘅最大後遺症,未諗到點解決,係飲多咗水、保養喉嚨,呼籲大家要注意,多吃喉糖及暫時不要飲凍飲。」

柳俊江染Omicron康復後最大後遺症是氣管問題,更影響他的跑步表現。Photo from 柳俊江Facebook

會否影響性能力?柳俊江:心理影響

對於有研究指,染疫後會影響性功能,柳俊江亦大方分享個人經歷,認為是心理影響。「我睇完(報道)都驚,當晚我飲咗酒同跑咗步,個人幾攰,但當晚又覺得可以有性行為,點知當晚我力不從心。坦白講,我從未試過力不從心!我本身係好冷靜嘅人,但我兩日都完全『唔得』,弊喇,係咪真係有影響呢?呢兩日真係好多壓力同唔開心,好大鑊,弊喇,係咪要睇醫生呢?到第三日,當日心情靚又冇乜點攰,當日同女朋友好開心、好溫馨,咦,又番嚟喇喎!100%回來了,連用家表示冇問題喎!講明先,我冇食藥呀!信心返嚟之後從此就冇事,所以好明顯係各方面影響心理壓力!」

對於有研究指,染疫後會影響性功能,柳俊江亦大方分享自己個經歷,認為是心理影響。Photo from 柳俊江Facebook

Text:UrbanLife Health Editorial
Photos:柳俊江Facebook

📍 Follow我們的IG urbanlife.hk

🔔 訂閱我們的 Youtube頻道 UrbanLifeHealth生活新態度