【食飯都唔肥？】揭開日本飲食「偽裝術」！2招用餐前小妙招 穩定血糖唔傷血管

大家有無發現，日本人餐餐食白飯，但條腰竟然普遍很幼細！原來秘訣唔單止係食啲咩，美國營養師去完東京考察後，發現咗日本人的飲食習慣隱藏咗穩糖、護血管嘅大智慧。想食飯食得健康無負擔？記住以下幾個關鍵！

換個「細碗」裝餸

香港人習慣一碟餸菜大家分享，但原來擺盤方式會直接影響飽足感。營養專家分享，如果將一大碟菜改用精緻嘅「細碗」分開盛載，視覺上會覺得份量好豐富，心理滿足感亦會大增。呢種「小碟文化」係日式料理嘅精髓。透過縮細飯碗、增加小菜碟數，就算實際攝取量減少，視覺差異亦會令大腦覺得「已經食咗好多」，幫你有效控制食量，避免暴飲暴食。

每餐食夠20分鐘先知飽

好多香港人返工食飯好似「戰鬥」咁，幾分鐘就掃清一碗飯。但營養師提醒，每餐起碼要食 20 分鐘。因為大腦接收飽腹感訊號需要時間，如果你食得太快，訊號未傳到大腦，你可能已經食過量。細嚼慢嚥可以俾大腦有時間評估腸胃狀況，幫你準確判斷幾時係「七、八分飽」，適時停筷，避免熱量超標。

進食順序救血管：先食菜後食飯

現代人常見嘅心血管病、糖尿病，好多時都係因為食得太過份。高血糖就好似將個人「浸喺糖水度」，長期落去會傷血管，引發中風或心肌梗塞。要保護血管內皮，建議調整進食順序：先食纖維豐富嘅蔬菜或雜糧，最後先食白飯。咁樣做可以減慢血糖上升速度，降低身體嘅氧化壓力。

冷飯、綠香蕉含「抗性澱粉」：穩糖又抗餓

原來食物嘅「狀態」亦係關鍵。營養師指出「抗性澱粉」可以減慢身體消化澱粉嘅速度，令你更耐餓。日本人鍾意食壽司或者冷飯，入面嘅「老化澱粉」正正有助穩定血糖，不過冷飯唔係人人都喜歡。不過仲有一招！想減肥或控糖？建議揀表皮帶綠、比較生嘅香蕉，因為佢嘅抗性澱粉含量較高；而帶黑點嘅熟香蕉雖然好甜，但糖分亦相對較高。總結來說，整體營養均衡先係長遠維持健康嘅皇道！