【黑朱古力】食黑巧克力健康嗎？對心臟好？有助減肥？3大好處＋建議食用份量
朱古力的口感豐潤滑順，帶有濃郁的甜味，綿密的質地令人舒爽愉悅。黑朱古力除了味道吸引外，更有多種健康益處，除了可以令人心情感到愉快外，更可維持心臟健康！不過，食用黑朱古力又有什麼要注意的事情呢？一日最多可以食幾多？今次有營養師Michelle講解。
黑朱古力健康嗎？
黑朱古力中含可可多酚、咖啡因、類黃酮、丹寧，這些成分都對我們的心臟有益，更有助人體內的抗炎功能。另外，黑朱古力的成分幫助我們製造快樂荷爾蒙（血清素以及安多酚），適量進食的話 可有助改善情緒。
食黑朱古力有助減肥嗎？
黑朱古力中含有的多酚，可幫助抑制脂肪和代謝，繼而幫助控制食慾。但同時，朱古力亦含有糖份和脂肪，如果進食過量的話，其實亦會導致我們攝取額外的卡路里以及糖分，因此亦須要配合有均衡飲食以及進行適量的運動，才會達致減肥的效果。
黑朱古力越苦越好嗎？應該如何選擇？
一般建議選擇可可脂總固體物含量70%以上，亦要避免選擇一些含糖、含牛奶的朱古力
當然黑朱古力的可可固體（含量）越高，味道亦會較苦，但同時當中內含的多酚含量等天然物質亦較多。
黑朱古力的建議攝入量
一日內建議食用低於30g的黑朱古力，可提供約170左右卡路里，以及少量纖維。
如何搭配黑朱古力與其他食材，使其更有益健康？
可以配搭水果/堅果，提升整體蛋白質和膳食纖維。亦可以將黑朱古力加入燕麥/麵包等等，提升調味之外，又可品嚐到黑朱古力。
哪些人不應該進食黑朱古力？
對可可類過敏的人士就不宜食用。至於糖尿病人士，其實不是完全避開不食。黑朱古力內的多酚及類黃酮等活性成分，其實有抗氧化、有助血管健康，因此糖尿病人是可以食用，但建議食用份量須減半，大約在10-15g左右。不過糖尿病人需控制血糖，而黑朱古力當中添加的糖份及脂肪，如長期食用亦會對病人有負面影響。
Text : UrbanLife Health Editorial
Photos : UrbanLife Health Editorial
Source：營養顧問公司 NUTRILICIOUS 創辦人及首席營養師 Michelle Lau
📍 Follow我們的IG urbanlife.hk
🔔 訂閱我們的 Youtube頻道 UrbanLifeHealth生活新態度
