【百歲密碼】長壽專家日日早餐飲「呢碗湯」！唔使戒口、有望活到100歲

長壽唔一定要食得清淡到好似修道咁，關鍵係要揀對嘅營養，同埋識得享受社交生活！64歲長壽專家 Dan Buettner 用佢嘅體檢報告證明，植物性飲食加上一碗「撒丁島神仙湯」，就係最強嘅防老劑！

撒丁島蔬菜湯：專家視為「長壽之源」

Dan Buettner 走訪全球「長壽藍區」，發現意大利撒丁島（Sardinia）嘅居民有個共通點：每日都飲一碗「撒丁島蔬菜湯」（Sardinian Minestrone）。

佢每日早餐就係呢碗湯，再淋上橄欖油、配半個牛油果。呢種食法充滿豆類、蔬菜同原型澱粉，唔單止好耐餓，仲可以幫助減輕身體發炎，遠離慢性病。

撒丁島蔬菜湯「長壽食譜」大公開

想喺屋企自製？呢碗湯嘅精髓在於多種豆類嘅纖維同營養：

• 材料： 乾蠶豆、蔓越莓豆、鷹嘴豆、洋蔥、紅蘿蔔、芹菜、薯仔、茴香、碎番茄、米型麵、特級初榨橄欖油、羅馬綿羊奶芝士。
• 做法簡介：
  1. 豆類浸過夜。
  2. 用橄欖油炒香洋蔥、紅蘿蔔、芹菜同蒜末。
  3. 加入豆類、薯仔、番茄同香料，加水慢火燉 1.5 小時至豆軟。
  4. 最後加入米型麵煮軟，食之前淋上橄欖油同灑上芝士碎。
• 小貼士： 可以隨意加入西葫蘆、椰菜或西蘭花，甚至加少少番茄醬提鮮。

長壽唔代表要「極端戒口」：社交亦係營養！

Dan Buettner 嘅長壽哲學好有「人性化」，佢唔主張極端節食，反而提出 3 大生活原則：

• 午餐： 唔會嚴格限制，水果可以想食幾多就食幾多，基本上「食得開心」最緊要。
• 晚餐： 每日堅持出街食！ 佢深信社交聯繫同營養一樣重要，同朋友傾偈食飯係長壽嘅秘訣。
• 可持續習慣： 佢認為與其夾硬戒口，不如建立一套可以維持一世嘅天然飲食習慣，抵抗快餐文化。

延伸閱讀：
【川貝燉蘋果】止咳化痰＋清熱潤燥｜4大功效、禁忌、簡單食譜與常見問題

延伸閱讀：
【蘋果醋丸】蘋果醋丸功效、食法、副作用全解析｜蘋果醋丸怎麼吃？蘋果醋膠囊差異一次看懂！

Text : UrbanLife Health Editorial
Photos : UrbanLife Health Editorial