【飽受壓力】姜濤被數8宗罪：唱歌鬼食泥、身材又暴肥 情緒健康惹關注 藝人DJ齊打氣
MIRROR成員姜濤早前在叱咤頒獎典禮當晚的表演引發網民熱議，不少網民批評他表現失水準之餘，養傷期間身形亦暴漲了不少，隨即成為haters狙擊的對象，甚至還有網民撰寫三千字長文「 姜濤，其實你有冇諗過點解咁多人唔鍾意你」狂數姜濤8宗罪。不少姜濤的粉絲「姜糖」為姜濤發聲亦成為haters抨擊的對象，這讓一向愛護姜糖的姜濤更加難過，飽受不少壓力。而杜汶澤則發文分享「應付Haters」心得，隔空安慰姜濤宛如雪中送炭。近日電台DJ楊樂笙亦發文為姜濤打氣，批評Haters的留言感覺是「似係想佢死，多過想佢進步」。
Photo from my903.com 商業電台 Facebook
Photo from my903.com 商業電台 Facebook
杜汶澤隔空安慰姜濤：根本不需理會 haters
叱咤頒獎典禮後，姜濤連日受到網民攻擊，所幸有藝人隔空安慰姜濤。杜汶澤發文表示，「一個人出來行走江湖，根本不需理會 haters 」，他指「人生總有對錯，你又不是聖人，善事、惡行，都有做過，大人做大事，辦事越多，自然有好有壞，不可能事事完美。但到最後，只要你利益過某些人，盡量給自己和家人過好日子，沒有立壞心腸，這樣就Ok啦！」暖心內容令姜糖們感到釋懷！
Photo from 杜汶澤 Facebook
DJ楊樂笙亦發文為姜濤加油打氣
而近日DJ楊樂笙亦發文為姜濤加油打氣，批評網民的評論感覺是「似係想佢（姜濤）死，多過想佢進步。」楊樂笙坦言，難以想象年紀輕輕的姜濤現正在承受的壓力，「姜濤只係23歲，經歷爸爸重病、摯友逝世、演唱會意外，我好難想像佢面對緊咩壓力。」
Photo from 楊樂笙 Facebook
Photo from keung_show Instagram
楊樂笙寄語姜濤：無視無聊的評論
楊樂笙亦向姜濤寄語︰「其實不論咩年代咩地方，做得公眾人物，就總會有人批評你，通常得兩個方法應付，一係內心夠強大完全當透明，一係令自己水平提升，令人收口，要成為天王巨星，呢個係必經階段。我好細個已經明白一個道理：『無人可以贏到全世界掌聲』批評要聽，但對於係無聊、抽水或者不安好心嘅說話，我真係唔會理。」
Photo from keung_show Instagram
大讚姜濤「忘我投入」 希望他越來越成熟
他亦大讚姜濤是個忘我投入的人，希望他能變得越來越成熟：「我感覺姜濤係一個好忘我投入嘅人，就連玩遊戲佢都係咁，呢種人唔會識停，好容易受傷，身心都係，希望隨住越嚟越成熟，佢會識得收放。」
Text : UrbanLife Health Editorial
Photos : UrbanLife Health Editorial、my903.com 商業電台 Facebook、楊樂笙 Facebook、杜汶澤 Facebook、keung_show Instagram
📍 Follow我們的IG urbanlife.hk
🔔 訂閱我們的 Youtube頻道 UrbanLifeHealth生活新態度
