【瘦身謎團】女團偶像狂飲「廢水」都唔肥？營養師：亂飲全糖手搖隨時有脂肪肝
點解韓國女團偶像日日飲珍奶都係咁瘦，我飲一杯就條腰大一圈？韓星背後有地獄式練舞同專業飲食管理，我哋普通人如果照跟全糖手搖飲品（時下有唔少人稱高糖份飲品為「廢水」），胰島素同血糖隨時暴升，最後只會愈飲愈肥、愈飲愈攰！
Photo from IG圖片
每日食糖上限：一杯全糖手搖即爆標！
韓星來港台演出都鍾意飲珍珠奶茶，但營養師張宜婷提醒，世界衛生組織（WHO）建議每日「添加糖」攝取量應小於總熱量嘅 5% - 10%。以每日攝取 1800 大卡計算，糖分攝取量上限大約係 22.5 克。現實係：一杯普通全糖手搖飲品，糖分往往已經係建議上限嘅好幾倍！
4 類「高危人士」絕對要戒全糖：
- 正努力減脂、減磅中。
- 成日覺得好攰、好容易肚餓。
- 檢查出有「脂肪肝」邊緣。
- 血糖不穩、情緒容易波動起伏。
很多人以為點「無糖珍奶」就無事，其實大錯特錯！珍珠本身係由「澱粉 + 糖漿」組成，就算茶底無糖，一杯落肚依然係糖分炸彈。
點解糖係減肥宿敵？
糖分會令胰島素急升，直接阻礙脂肪燃燒，仲會增加身體發炎反應。血糖忽高忽低會令你陷入「食完好快又想食甜嘢」嘅惡性循環，味蕾亦會因為習慣咗高甜度而變得遲鈍。
營養師教路：3 招有效戒糖策略
與其慢慢減，張宜婷建議「一次性調整」效果更好：
- 1. 味蕾重置期（7-14天）： 堅持兩星期唔掂甜，味蕾會變返敏銳。口痕時改飲無糖紅茶、烏龍或黑咖啡，穩定血糖先。
- 2. 隨身攜帶「健康替代品」： 包包入面放少量堅果或 70% 以上嘅黑朱古力，想食甜時頂下癮，避免失控。
- 3. 調整食飯順序： 記住「水 ➔ 蛋白質 ➔ 蔬菜 ➔ 主食 ➔ 水果」嘅順序，穩定血糖嘅效果比起盲目「少食」更有感。
💡 小貼士： 想食甜嘢？盡量揀「原型食物」，例如南瓜、蕃薯或水果，比起加工砂糖對身體友善得多！
Text : UrbanLife Health Editorial
Photos : UrbanLife Health Editorial
📍 Follow我們的IG urbanlife.hk
🔔 訂閱我們的 Youtube頻道 UrbanLifeHealth生活新態度
