download UrbanLife 健康新態度 app
【半身癱瘓】拍拖5年女友遇意外恐成世坐輪椅 港男放棄求婚:我想分手

【半身癱瘓】拍拖5年女友遇意外恐成世坐輪椅 港男放棄求婚:我想分手

健康資訊 焦點新聞
By Maeve on 20 Feb 2023
Digital Editor

患難未必見真情!近日有一名港男在網上討論區發文指,自己拍拖5年的女友不幸發生意外,未來恐怕要坐一輩子輪椅,對於突如其來的噩耗,港男直言,怕自己做不到不離不棄,因此想分手,貼文隨即引起網民熱議。

一名港男發文指,女友因意外昏迷不醒。(示意圖)

港男因女友要坐一輩子輪椅而想分手

該名港男在討論區Dcard以「女朋友突然要成世坐輪椅 我想分手」為題發文,表示女友發生意外,現正昏迷中,醫生指即使女友醒來,也很大可能會半身癱瘓,需要一輩子坐輪椅,港男面對突如其來的巨變,表示「我完全唔知應該點好」:

「女朋友前排發生咗啲意外,醫生話佢好大機會就算醒翻都會成世坐輪椅,我同佢一齊咗5年。其實真係準備同佢求婚,但突如其來發生啲咁嘅事...我完全唔知應該點好。」

醫生指即使女友醒來,也很大可能會半身癱瘓,需要一輩子坐輪椅。Photo from 《一公升的眼淚》劇照

港男:我做唔到好似So Ching咁

2人拍拖5年已達談婚論嫁的階段,港男原本準備向女友求婚,不料女友突然發生意外,令港男直言想分手。港男更以So Ching及阿Mo的感情跟自己對比, 「我做唔到好似So Ching咁,不斷陪喺呀Mo身邊不離不棄。」

網民反應兩極化

港男的帖文引來大批網友留言,網民的反應兩極,有人支持分手:「未經他人苦,莫勸他人善」、「留下是情份,離開是本份」、「照顧病人好大責任和壓力,親生父母照顧病童都會抑鬱自殺,明知自己做唔到,早d分手都係好事」。

不過亦有網民認為港男不知什麼是愛:「其實呢,結婚係有宣誓嘅,當中有講口無論是順境或是逆境,富有或貧窮,健康或疾病,我認同想縮係人之常情,但係上面認為即閃嘅人,求下你哋唔好同人拍拖結婚呃蝦條。」、「大難臨頭各自飛,這就是愛情。」、「呢個時候最直接反應(正常人),應該係心痛個女友,盡所能鼓勵、陪伴佢渡過呢一關。已經準備求婚,唔係應該好愛好愛咩? 即刻諗分手,係人唔係呀?」

Text : UrbanLife Health Editorial
Photos : UrbanLife Health Editorial、《一公升的眼淚》劇照

📍 Follow我們的IG urbanlife.hk

🔔 訂閱我們的 Youtube頻道 UrbanLifeHealth生活新態度