【Ali舊照曝光】李佳芯21歲模特兒舊照出土！網民大讚：天然美女、愈大愈靚！

By Maeve on 09 Feb 2023

Digital Editor

現年40歲的女神級視后李佳芯（Ali）一向甚得觀眾緣，除了演技備受肯定，其外貌身形亦keep得非常好！熱愛運動的她不僅有馬甲線好身材，素顏肌膚狀態也好到令人羨慕，獲網民大讚「氣質女神」。近日有網友在YouTube曬出Ali出道前做模特兒的青澀舊照，當年僅21歲的Ali有少少包包臉，再加上重手的妝容引起網民熱議，不過依然無阻Ali的美貌，網民紛紛讚她「愈大愈靚」。

Photo from Ali李佳芯 Facebook

20年前青澀舊照曝光

李佳芯（Ali）出道前曾任模特兒，除了做雜誌封面女郎，Ali亦有做過動漫女郎，有網友在個人YouTube頻道分享2003年Ali以模特兒身份，於高達展覽中穿上與GUNDAM同色系列的制服，即使被不少男士圍住，她亦全程笑容滿面，任影唔嬲，非常專業。

Photo from 銅鑼灣小志強 YouTube

「災難級」妝容全靠顏值撐住

從影片中可見，21歲的Ali臉上有少少baby fat，非常青春，臉上的藍色眼影十分搶眼，引來大批網民熱議，形容其妝容是「災難級」。不少網民紛紛留言表示，「藍色眼影真係唔係人人都carry到」、「化妝嗰個係咪整蠱？藍色眼影好顯眼腫」、「好難認出呢個係Ali」、「誇張眼影幼眉妝好有年代感」。

Photo from 銅鑼灣小志強 YouTube

網民讚：天然美女、愈大愈靚

有網民表示現在的Ali和以前的氣質差別很大，差點認不出，不過亦有網民表示Ali的五官沒變化，只是現在少了baby fat，「識化妝同唔識化妝係有分別，但睇得出Ali係冇整容」、「一模一樣，無整過，好多女明星20年可以唔同晒個樣」。不少網民亦大讚Ali是天然美女，愈來愈靚，「娛樂圈純天然美的、越來越少了」、「以前都靚得好自然」、「愈大愈靚同有氣質，廿年前實係會老土啲架啦」、「40歲仲靚過好睇過21歲」、「屬於個種，年紀越大越靚個種」。