【移民英國】移英港媽呻小朋友不斷生病好崩潰 4歲女兒發燒狂咳一個月醫生話無藥食
一名移英港媽近日於Facebook群組「英國香港人生活交流區」發文表示，移民到英國8個月以來一直生病，「小朋友現在發燒，又咳又痾嘔，不願吃東西，帶他看醫生，醫生則說，好快好，唔使食藥」。她求教移英港人，「請問已經來咗英國幾年嘅朋友，係唔係過咗冬天後小朋友會病少啲？」
4歲女兒咳足一個月才好
另一位移英港媽在評論區分享，其4歲女兒雖然每天都有吃維他命補充營養，然而「鼻水同咳都無停過，間唔中仲發燒」。她帶女兒看家庭醫生，醫生竟說「連續燒5日先再去搵佢，鼻水和咳又話會自己好返」，女兒最終咳到第4個星期才好。
網民安慰：慢慢適應、不必過分擔心
貼文隨即引起不少移民英國網民的共鳴，「完全一樣，有時會懷疑帶佢（小朋友）來，係幫緊佢定害緊佢」。不過，亦有不少移英港人安慰港媽無需擔心，「初到英國頭兩年經常病，乃正常反應，要慢慢適應，不必過分擔心」、「嚟到英國水土溫差咁大，係要時間去適應」、「香港口罩戴得太耐，小朋友太細個，依賴咗口罩，build up唔到自己免疫力。要時間適應返」、「呢邊醫生主張唔嚴重都唔食藥，由佢自己好，除非發燒，就食退燒藥。慢慢畀小朋友有返抵抗力。」亦有網民建議，不要長時間留在家中，要多到戶外活動及多做運動，保持室內空氣流通。
英國醫療系統崩潰
根據資料顯示，英國現正面臨新冠疫情、冬季流感、甲型鏈球菌夾擊，公營醫療系統崩潰，氧氣筒及床位嚴重短缺。據當地傳媒報道，每周有約300至500名患者因延誤醫治在醫院急症室離世，有病人更要在急症室等待99小時，即超過4日才獲安排醫院床位。除了公營醫療服務外，當地亦出現「搶藥潮」，多地店鋪感冒和流感成藥短缺，令情況雪上加霜。移民英國要小心注意身體健康！
Text : UrbanLife Health Editorial
Photos : UrbanLife Health Editorial
📍 Follow我們的IG urbanlife.hk
🔔 訂閱我們的 Youtube頻道 UrbanLifeHealth生活新態度
