【Anson Lo回應暈倒原因】呻天生「瘦底」食極唔肥、1日5餐努力增磅 惹網民揣測：放暗箭寸姜濤？
男圑MIRROR成員「教主」Anson Lo（盧瀚霆）新歌《MONEY》MV收看次數在短短2週已破600萬！近日他在接受訪問作宣傳時，提及他早前出席活動因嚴重脫水及感冒而暈倒，被網民批評有搶姜濤風頭之嫌，時隔數日已恢復健康的他對此表示：「大家諗得太多。」
Photo from ansonlht Instagram
Photo from ansonlht Instagram
暈倒被網民批搶姜濤風頭
教主上個月在尖沙咀出席宣傳活動時，在活動結束前突然暈倒，隨後被工作人員攙扶離場。近日他在受訪時重提當日見暈原因：「嗰日好早，唔係有12個化妝師，輪住化好趕，加上冇飲水，冇食嘢，嚟緊會注意多啲健康，令到大家反應好大，又太過擔心，我都內疚，都唔想大家唔開心。」
Photo from ansonlht Instagram
教主：隊友好明白事理
有網民認為教主暈倒是為了搶姜濤風頭，有記者問到是否會擔心姜濤誤會？教主則表示隊友好明白事理：「佢哋有問候我、擔心，其實成隊人都好擔心，大家都唔知我發生咩事，即刻Message我問我咩事，第二日都有見，好彩個原因唔係好大嘅問題，大家就鬆一口氣。」
Photo from ansonlht Instagram
即睇更多人氣文章：
【舒淇馮德倫大曬放閃圖】46歲舒淇頭上現白髮 網民大讚：女神很真實！毫不畏懼展現自己變老的事實
【遺愛人間】51歲男子除夕腦死亡、捐出全部器官 逾百名醫護初二銷假趕回醫院救20人重生
否認因工作過量捱壞身體
現年27歲的他被取笑「財多身子弱」，過往曾試過公開活動上情緒不穩而爆喊，夥拍鄭欣宜的演唱會又胃痛，近日又頭暈，問到是否工作過量至捱壞身體？他為公司講好話說：「工作量還好，睇咩工作範疇，每日平均工作10至12幾個鐘，如果拍劇、拍戲工作12個鐘以上不等，拍廣告就短番，每日不止一個要走場數，出咗新歌，拍完廣告，下一轉就排舞，仲有其他工作。」
Photo from ansonlht Instagram
坦言健康問題因飲食習慣所致
教主指一切是因自己的飲食習慣所致：「平時冇興趣食唔健康或煎炸嘢，醫生就提議我食多啲鹹嘢、重味啲嘅嘢，都有飲媽咪滋補湯，但有時壓力大都會身體唔好。」
Photo from ansonlht Instagram
呻天生瘦底 放暗箭寸姜濤？
近期因工作忙碌而變瘦的他又呻天生瘦底：「依家130幾磅，要逼自己食多嘢，食少於3餐都會瘦，如果要保持140幾磅，要食5餐同飲奶粉先可以。瘦底嘅人練大隻好辛苦。」被問到可有和「肥底」的姜濤分享飲食心得？他自言非營養師，但知道對方狂打籃球及跑步減肥。不過這番言論又引來網民揣測，指他放暗箭寸姜濤。
Photo from keung_show Instagram
Text : UrbanLife Health Editorial
Photos : UrbanLife Health Editorial、keung_show Instagram、ansonlht Instagram
📍 Follow我們的IG urbanlife.hk
🔔 訂閱我們的 Youtube頻道 UrbanLifeHealth生活新態度
