【姜濤復工！努力健身】為減肥與大表哥一齊做gym　Stanley：佢知要改善乜嘢！會好積極面對

MIRROR成員姜濤去年11月意外扭傷右膝蓋觸及舊患，手術後的兩個月都必須撐拐杖而無法做運動。休養2個月後的他身形因此暴漲了不少，成為haters狙擊的對象。不少圈內友人及姜糖們都十分擔心姜濤的身心健康狀況，無法想像姜濤所承受的壓力。好在一向樂觀的姜濤並沒有被惡意言論打敗，反而勇敢面對，目前已復工，並且積極與大表哥邱士縉 ( Stanley ）一齊做gym，努力恢復身材！

Photo from keung_show Instagram

姜濤狀態良好　目前已復工

日前呂爵安（Edan）與大表哥邱士縉（Stanley）在出席賀歲動畫《非常貓狗反轉武林》首映禮時接受媒體採訪透露，因為工作關係已經和姜濤見過幾次了，「我哋都有一齊關心佢，佢嘅狀況都係良好嘅，大家放心。佢都冇事。」

Photo from stanleysc_ Instagram

勇敢面對　做好自己

大表哥續指，「佢都出咗道咁耐，經歷咗呢啲好多，一直以嚟，係咪先？佢嘅態度就係，『我會接受大家所有對我提出嘅改善，而我係要改善』，佢知要改善乜嘢，所以咪繼續做囉！佢一直都係努力，佢唔會：『（扮喊）又話我！』佢唔會，佢會好積極面對呢件事，做好自己。」

Photo from keung_show Instagram

即睇更多人氣文章：
【食物安全】港男自製「馬友魚刺身」大讚味道似拖羅　網民憂染上寄生蟲：可以生食？
【泰國開關2023｜持續更新】所有旅客須至少打2針新冠疫苗　即查打針／檢測／旅遊保險等最新入境要求

為減肥積極努力健身

從前不肯跟大表哥一齊做gym的姜濤，如今為了減肥，積極去大表哥的gym room健身。大表哥表示，姜濤已經上了幾次堂，「我lock咗個時間畀佢做，佢真係好勤力做。」

姜濤一旦決定就會全力以赴

大表哥表示，由於姜濤早前因腳受傷動手術，現時需要小心做適量強度的運動。Edan則表示，「佢（姜濤）一決定咗要做一樣嘢就會全力去做。」大表哥點頭表示贊同，「你知佢啦﹐一話做就好急去做，我哋要拉番住佢，『你睇住隻腳啦！』但佢真係好努力，用行動回應大家。」

Photo from edanlui Instagram

一齊做gym　互相鼓勵

大表哥見姜濤如此努力，索性與姜濤一齊做gym，互相鼓勵對方！爵安亦開玩笑說到：「我都要減肥…帶埋我做嘛！」

Edan：畀啲空間佢

至於網上評論，Edan表示，「佢（姜濤）都有自己方法去消化，我都唔想主動去…好似好隆重其事問佢一啲嘢，我都想畀啲空間佢，我相信佢會有佢嘅方法去消化﹐同埋佢會有佢嘅途徑去變得更好。」

延伸閱讀：
【飽受壓力】姜濤被數8宗罪：唱歌鬼食泥、身材又暴肥　情緒健康惹關注　藝人DJ齊打氣

延伸閱讀：
【姜濤減肥史】認身形暴漲唔敢上磅怕激嬲醫生　曾是200磅肥仔！地獄式瘦身激減60磅變成小鮮肉

Text : UrbanLife Health Editorial
Photos : UrbanLife Health Editorial、keung_show Instagram、stanleysc_ Instagram、edanlui Instagram