【Edan呂爵安剝智慧齒】變「呂腫」遭圈中好友mean爆嘲笑　張繼聰：果然係幼雀，而家先剝（附拔牙後消腫護理）

男團MIRROR成員Edan（呂爵安）上週六（17日）在社交平台分享多張早前剝智慧齒後一邊臉腫的照片，自嘲「終於做到呂總，真‧呂腫」。除了臉腫自拍，他還還上載了「血齒」照片，「剝咗兩隻（智慧牙），有一隻分咗兩半，腫到傻豬咁，腫咗成個星期。」圈中好友見Edan一副可憐樣，卻未有送上安慰，反而紛紛留言嘲笑，Edan亦回覆反擊，搞笑互動令網民笑翻：「互mean好好笑」。

Photo from edanlui Instagram

Photo from edanlui Instagram

Photo from edanlui Instagram

圈中好友紛紛留言嘲笑

「呂腫」Edan上載臉腫自拍照後，好友Jeremy（李駿傑）留言：「誇張 ，我塊面完全冇咩腫」，Edan回應：「因為本身都……」。

張繼聰則笑言：「果然係幼雀，而家先剝」，Edan貫徹互mean作風，回覆：「老雀，你係咪就嚟甩哂」。

六膠成員阿正（黃正宜）亦留言嘲笑：「呢個面形襯你」，Edan反擊：「你塊面長期好似啱啱剝完咁」。

Phoebus則趁機宣傳團歌《Braceless》，以歌詞「就算跌崩三隻牙齒」作留言。

即睇更多人氣文章：
【新加坡新冠疫情】全面復常！不再每日公布確診數字　未來不再為新冠患者預留床位
【奇妙緣份】34年閨蜜常被人說「生得似樣」　驗DNA竟是雙胞胎姊妹悲慘身世曝光

Photo from edanlui Instagram

Photo from edanlui Instagram

網民看熱鬧

看熱鬧的網民們紛紛留言表示，「睇Edan同班朋友互mean好好笑」、「雖然係呂腫，但串人功力未有減弱，好似更強」、「唔建議你周圍mean人，會唔消腫」，亦有網友笑言：「差啲認唔到你， 但我認得件衫同個廁所」、「先生，你是誰？哈哈！」。

Photo from edanlui Instagram

剝智慧齒本是平常不過的事，但落在Edan身上就變成了笑料，無偶像包袱的Edan就連剝完智慧齒都為粉絲帶來歡樂，真的很適合做諧星！

拔牙後消腫護理3原則：

1. 48小時內可冰敷消腫

拔智齒48小時內，可以每小時冰敷40分鐘，幫助快速消腫，建議每次冰敷20分鐘、休息20分鐘，大約降低4成的腫脹程度。

2. 48小時後熱敷促進循環

48小時後，則要開始熱敷，促進血液循環，加速傷口復原。

3. 做好清潔工作

除此之外也要注意口齒清潔，剛拔完牙難免會覺得疼痛，可使用軟毛牙刷，靠近傷口附近的牙齒要輕輕刷並避開傷口處，以避免傷口裂開，而其他部位的牙齒則可照常清潔，若拔牙處未做好清潔工作，可能會引起發炎問題，反而讓傷口更腫、更痛，延遲復原的時間。

延伸閱讀：
【智慧齒】袁偉豪剝3隻智慧齒痛到面容扭曲　剝智慧齒一定痛爆？1個情況一定要剝？

延伸閱讀：
【姜濤受傷】出戰903籃球賽疑扭傷膝頭舊傷復發　需做手術：會努力康復（附前十字韌帶斷裂症狀）

Text : UrbanLife Health Editorial
Photos : UrbanLife Health Editorial、edanlui Instagram