download UrbanLife 健康新態度 app
【Edan呂爵安剝智慧齒】變「呂腫」遭圈中好友mean爆嘲笑 張繼聰:果然係幼雀,而家先剝(附拔牙後消腫護理)

【Edan呂爵安剝智慧齒】變「呂腫」遭圈中好友mean爆嘲笑 張繼聰:果然係幼雀,而家先剝(附拔牙後消腫護理)

健康資訊 焦點新聞
By Maeve on 20 Dec 2022
Digital Editor

男團MIRROR成員Edan(呂爵安)上週六(17日)在社交平台分享多張早前剝智慧齒後一邊臉腫的照片,自嘲「終於做到呂總,真‧呂腫」。除了臉腫自拍,他還還上載了「血齒」照片,「剝咗兩隻(智慧牙),有一隻分咗兩半,腫到傻豬咁,腫咗成個星期。」圈中好友見Edan一副可憐樣,卻未有送上安慰,反而紛紛留言嘲笑,Edan亦回覆反擊,搞笑互動令網民笑翻:「互mean好好笑」。

Edan上週六(17日)在社交平台分享多張早前剝智慧齒後一邊臉腫的照片。Photo from edanlui Instagram

Edan自嘲「終於做到呂總,真‧呂腫」Photo from edanlui Instagram

Edan還上載了「血齒」照片,有一隻還被分了2半。Photo from edanlui Instagram

圈中好友紛紛留言嘲笑

「呂腫」Edan上載臉腫自拍照後,好友Jeremy(李駿傑)留言:「誇張 ,我塊面完全冇咩腫」,Edan回應:「因為本身都……」。

張繼聰則笑言:「果然係幼雀,而家先剝」,Edan貫徹互mean作風,回覆:「老雀,你係咪就嚟甩哂」。

六膠成員阿正(黃正宜)亦留言嘲笑:「呢個面形襯你」,Edan反擊:「你塊面長期好似啱啱剝完咁」。

Phoebus則趁機宣傳團歌《Braceless》,以歌詞「就算跌崩三隻牙齒」作留言。

圈中好友紛紛留言嘲笑。Photo from edanlui Instagram

搞笑互mean為粉絲們帶來歡樂。Photo from edanlui Instagram

網民看熱鬧

看熱鬧的網民們紛紛留言表示,「睇Edan同班朋友互mean好好笑」、「雖然係呂腫,但串人功力未有減弱,好似更強」、「唔建議你周圍mean人,會唔消腫」,亦有網友笑言:「差啲認唔到你, 但我認得件衫同個廁所」、「先生,你是誰?哈哈!」。

網民留言:「先生,你是誰?哈哈!」Photo from edanlui Instagram

剝智慧齒本是平常不過的事,但落在Edan身上就變成了笑料,無偶像包袱的Edan就連剝完智慧齒都為粉絲帶來歡樂,真的很適合做諧星!

拔牙後消腫護理3原則:

1. 48小時內可冰敷消腫

拔智齒48小時內,可以每小時冰敷40分鐘,幫助快速消腫,建議每次冰敷20分鐘、休息20分鐘,大約降低4成的腫脹程度。

2. 48小時後熱敷促進循環

48小時後,則要開始熱敷,促進血液循環,加速傷口復原。

3. 做好清潔工作

除此之外也要注意口齒清潔,剛拔完牙難免會覺得疼痛,可使用軟毛牙刷,靠近傷口附近的牙齒要輕輕刷並避開傷口處,以避免傷口裂開,而其他部位的牙齒則可照常清潔,若拔牙處未做好清潔工作,可能會引起發炎問題,反而讓傷口更腫、更痛,延遲復原的時間。

Text : UrbanLife Health Editorial
Photos : UrbanLife Health Editorial、edanlui Instagram

📍 Follow我們的IG urbanlife.hk

🔔 訂閱我們的 Youtube頻道 UrbanLifeHealth生活新態度