download UrbanLife 健康新態度 app
【早日康復】64歲伯伯遭年輕男女撞跌骨折需動手術 女兒網上尋人要求道歉:點解唔call白車?

【早日康復】64歲伯伯遭年輕男女撞跌骨折需動手術 女兒網上尋人要求道歉:點解唔call白車?

健康資訊 焦點新聞
By Maeve on 12 Sep 2022
Digital Editor

「到底有幾趕時間,可以令你唔睇人、唔睇路?」近日有一名女網友在社交平台Facebook發「尋肇事者」貼文,指其64歲的父親於本月4日在筲箕灣港鐵站出口遭一對年輕男女撞跌在地,對方只扶伯伯到一旁休息,其後疑為趕巴士匆匆離去,無幫忙報案送院。女網友的父親盆骨及大腿均有骨折,需留院觀察。該名女網友表示,發文不為追究賠償,僅要求涉事男女向父親正式道歉。

一位64歲伯伯於本月4日在筲箕灣港鐵站出口遭一對年輕男女撞跌在地。

64歲伯伯遭年輕男女撞跌在地

該名女網友於社交平台Facebook以標題「尋肇事者」發文表示,64歲的父親於4日下午約1時許,在筲箕灣港鐵站A2出口,遭一對年輕男女撞跌在地,當時父親未能自行起身,但因愛面子性格,僅表示「俾我坐下、坐下」。兩名年輕男女只扶伯伯到旁邊坐下休息,之後便疑因趕巴士匆匆離去。

對方只扶伯伯到一旁休息,其後疑為趕巴士匆匆離去。

對方無幫忙報案送院

女網友表示,「我覺得你見到個老人家撞跌完,坐喺路中心,起唔到身,你都應該關心耐啲」,「兩位肇事者冇幫我老豆call白車,冇等到白車嚟,係咁以扶我老豆去地鐵站出口坐低就走咗」。女網友坦言,她的父親未意識到自己的傷勢嚴重,被撞倒後一直坐在港鐵站口,「自己一個好驚,唔知點好,痛到講唔到嘢,好彩有途人打999」。

伯伯的大腿、盆骨均有骨折

女網友的父親被送院後,經檢查發現大腿、盆骨均有骨折,需留院觀察,期間「不斷話好痛,痛到瞓喺度都休息唔到」。女兒透露,父親平時都算精靈,不時會同老友記去飲茶,「年紀大手腳慢就一定,但佢自己一個人港島東區周圍行吓,係冇問題」,但目前就要在「醫院足足痛咗成日,唔知之後影響有幾大⋯⋯何苦要老人家受苦」。

伯伯的大腿、盆骨均有骨折。Photo from Emily Chan Facebook

不為追究賠償,僅要求道歉

女兒見父親無辜受傷大感心痛,發文希望能找出這兩個人,不為追究賠償,僅要求涉事男女向父親正式道歉。女兒表示,「到底有幾冷酷無情,先可以罔顧一個因為你受傷嘅老人家,見到佢明顯企唔返起身,你都可以走咗去?」、「點解唔call白車、點解唔等埋白車來先走?」

伯伯需動手術及打石膏。

網民幫忙轉發:唔可以道歉就算!

帖文引起網民關注,不少網民憂慮老人家「跌一跌真係會好傷」,認為年輕男女應向伯伯道歉,甚至提供賠償,「撞到老人家可大可小!手尾可以好長,佢哋不顧而去,一定唔可以道歉就算」。有人則認為女網友應報警保留追究權利,「骨折可以好嚴重,影響好深遠,報警搵返嗰兩個人係要保留追究權利」。

女兒隨後更新補充,指父親已驗血,5日進行手術,要打釘去臀部固定位置及打石膏。9日父親的情況穩定,轉去養和醫院。希望伯伯早日康復!

📍 Follow我們的IG urbanlife.hk

🔔 訂閱我們的 Youtube頻道 UrbanLifeHealth生活新態度